Faun
Текст песни Troum Under Spiegelglas

Ein meister las,
Troum unde spiegelglas,
Daz sie zem winde
Bi der staete sin gezalt
Loup unde gras,
Daz ie min froide was,
Swiez nu erwinde,
Iz dunket mich also gestalt;
Dar zuo die bluomen manicvalt,
Diu heide rot, der gruene walt.
Der vogele sanc ein truric ende hat;
Dar zuo der linde
Sueze und linde.
So we dir, Werlt, wie dirz gebende stat.

Heiliger Krist,
Sit du gwaltic bist
Der werlte gemeine,
Die nach dir gebildet sint,
Gib mir den list
Daz ich in kurzer frist
Alsam gemeine
Dich sam diniu erwelten kint.
Ich was mit sehenden ougen blint
Und aller guoten dinge ein kint,
Swie mine missetat der werlte hal.
Mache mich reine
E min gebeine
Versenke sich in daz verlorne tal